ಸಿಗ್ನಲ್ ಸುಂದರಿ

ಕಣ್ಣೆದುರು ನಿಂತ ಕನಸಿನ ಕನ್ಯೆಗೆ
ಕರಾವಳಿಯ ಕಡಲಲೆಯ ಮೇಲೊಂದು
ಕಾವ್ಯ ಸೌಧವ ಕಟ್ಟಿ ನಲ್ಮೆಯ ನೌಕೆಯಲ್ಲಿ ಕೂರಿಸಿ
ಒಲವ ನೀವೆದನೆ ಮಾಡಿ ಅವಳು ಒಪ್ಪಿದರೆ ಎನ್ನ
ಮನದ ಅರಮನೆಗೆ ಅವಳನ್ನೇ ರಾಜಕುಮಾರಿ ಮಾಡಿ
ಪ್ರೇಮ ಪಲ್ಲಕ್ಕಿಯಲ್ಲಿ ಕೂರಿಸಿ ಕಾವೇರಮ್ಮನ ಮಡಿಲಲ್ಲಿ
ಆಗಸದೆತ್ತರದ ಚಪ್ಪರ ಹಾಕಿಸಿ ಸಪ್ತ ಸ್ವರಗಳ ಹಿಮ್ಮೇಳದಲ್ಲಿ
ತುಳುನಾಡ ಮಗನ ಮನೆಗೆ ಮಲೆನಾಡ ಮಗಳ ಕರೆತರಲೇನು
ಎಂದು ಅವಳ ಕೇಳ ಹೋಗಬೇಕೆನ್ನುವಷ್ಟರಲ್ಲಿ
ತೂರಿ ಬಂತೊಂದು ವಾಯ್ಸು
"ಗಾಡಿ ಸೈಡಿಗೆ ಹಾಕ್ರಿ, ಡಿ.ಎಲ್ ತೆಗಿರಿ,
ಏನ್, ಸಿಗ್ನಲ್ನಲ್ಲೆ ಕನಸ್ ಕಾಣ್ತಾ ಇದ್ದೀರಾ!!!!"

- ರಾಕೇಶ್ ಶೆಟ್ಟಿ